कुर्ला परिसरात घडलेल्या दुर्घटनेत एकूण १० जण बाधित झाल्याची माहिती समोर आली आहे. यामध्ये ४ जण जखमी असून ६ जणांचा मृत्यू झाला आहे.
कुर्ला भाभा रुग्णालयाकडून मिळालेल्या माहितीनुसार, एकूण ४ जखमी रुग्ण रुग्णालयात दाखल करण्यात आले आहेत. यामध्ये सोहेल अन्सारी (१८), मोहम्मद अन्सारी (१४), नईमुद्दीन इक्बाल खान (२८) आणि साजिद अन्सारी (१६) यांचा समावेश आहे. सोहेल अन्सारी यांना डोक्याला दुखापत झाली असून, सर्व जखमींची प्रकृती सध्या स्थिर असल्याची माहिती आहे.
तर राजावाडी रुग्णालयाकडून मिळालेल्या माहितीनुसार, मोहम्मद समीर अन्सारी (१४), साहिल हुसेन अब्दुल काझी (१९), ४५ वर्षीय अज्ञात व्यक्ती, अबान आरिफ शेख (२), मनत आरिफ शेख (४) आणि मरजिना आरिफ शेख (२७) अशा ६ जणांना रुग्णालयात आणण्यात आले होते. मात्र डॉक्टरांनी या सर्वांना मृत घोषित केले.
या दुर्घटनेत आतापर्यंत ६ जणांचा मृत्यू तर ४ जण जखमी झाल्याची अधिकृत माहिती समोर आली आहे.
