बृहन्मुंबई महानगरपालिका शिक्षण विभागामार्फत ‘मुंबई पब्लिक स्कूल, शिवाजी नगर शाळा संकुल क्रमांक - ४, बाजीप्रभू देशपांडे मार्ग, शिवाजी नगर मार्केट जवळ, गोवंडी (पश्चिम), मुंबई - ४०० ०४३’ येथे नव्याने बांधकाम करण्यात आलेल्या शालेय इमारतीमध्ये ‘मुंबई पब्लिक स्कूल, शिवाजी नगर इंग्रजी शाळा क्र. ०१’ या नावे इंग्रजी माध्यमाची शाळा सुरू करण्यात आली आहे.
ही शाळा महाराष्ट्र राज्य मंडळ अभ्यासक्रमाची असून, यामध्ये इयत्ता ज्युनियर केजी ते ४ थी पर्यंतचे वर्ग सुरू करण्यात येणार आहेत. विशेष म्हणजे, या शाळेमध्ये गोवंडी व परिसरातील अनधिकृत शाळेतील विद्यार्थ्यांना प्राधान्याने प्रवेश देण्यात येणार आहे. प्रवेश मर्यादित असून, जास्तीत जास्त पालकांनी या सुविधेचा लाभ घ्यावा, असे आवाहन बृहन्मुंबई महानगरपालिका शिक्षण विभागामार्फत करण्यात येत आहे.
