दिल्लीमध्ये NEET परीक्षेसंदर्भात सुरू असलेल्या विद्यार्थ्यांच्या आंदोलनादरम्यान झालेल्या कथित लाठीचार्जच्या निषेधार्थ आंदोलन करणाऱ्या वंचित बहुजन आघाडीच्या कार्यकर्त्यांना मुंबईतील चुनाभट्टी पोलिसांनी ताब्यात घेतले होते. या पार्श्वभूमीवर वंचित बहुजन आघाडीचे नेते सुजात आंबेडकर यांनी चुनाभट्टी पोलीस ठाण्यात जाऊन ताब्यात असलेल्या कार्यकर्त्यांची भेट घेतली.
यावेळी प्रसारमाध्यमांशी बोलताना सुजात आंबेडकर म्हणाले की, विद्यार्थ्यांवर कोणत्याही परिस्थितीत लाठीचार्ज होऊ देणार नाही. विद्यार्थ्यांच्या लोकशाही मार्गाने सुरू असलेल्या आंदोलनाला दडपण्याचा प्रयत्न योग्य नसल्याचे त्यांनी सांगितले.
तसेच, आंदोलनात सहभागी कार्यकर्त्यांना कायदेशीर मदत मिळावी यासाठी वंचित बहुजन आघाडीचे वकील त्यांच्या पाठीशी असल्याचेही त्यांनी स्पष्ट केले. विद्यार्थ्यांच्या हक्कांसाठी पक्ष कायम ठामपणे उभा राहील, असा विश्वास त्यांनी व्यक्त केला.
